الدنيا ريشة فى هوا

احتارت اقول ايه لـ 2007 وهى ماشية او اوصفها بايه
بس لقيت ان انسب وصف ليها هو انها سنة جديدة
مقدرش اقول كلها سعيدة بس حصلتلى فيها حاجات كتير جديدة عليا
عرفت افكار جديدة واكتشفت فى نفسى حاجات كتير مكنتش اعرفها

وفهمت فيها يعنى ايه حياة وناس وشغل وامل وحزن وفرح
وحسيت بحاجات لاول مرة احسها

حسيت ازاى ممكن تكون فى منتهى الحزن وازاى تكون فى منتهى الفرح
وازاى تتنقل ما بين الاحاسيس بسرعة جدا من غير ما تعرف السبب

عرفت المدونات واتعرفت فيها على ناس كتير من افكارهم
حبيتهم جدا من غير ما اشوفهم واتبسطت قوى لما لقيت ناس كتير بيقولوا نفس الاحساس اللى بردده جوايا ومش بعرف اترجمه لكلام
دايما بحس فى وسط كلامهم انى مش غريبة عنهم


النهاردة و فى اخر يوم فى 2007 اول حاجة جت على بالى الصبح كلام منير
ياللى بتسال عن الحياة خدها كده زى ما هيه
فيها ابتسامة وفيها اه .. فيها اسية وحنية

دنيا تدور مهما تدور
ماهى بتدور سواقينا
فى عطشنا ..فى المنا.. مابتنساش تداوينا
لينا الحب لينا .. قبل الجراح ما تدق بابنا
جينا ومادين ايدينا .. اللى يصيبنا اهو من نصيبنا

دنيا بتلعب بينا ايه
ايه راح ناخد من ده ايه


عاوزة اقول لـ 2007
شكرا جدا وانا حبيتك قوى بكل حاجة فيكى

واخر حاجة هعملها ان شاء الله فى اخر لحظات السنة
انى ابتسم ابتسامة كبيرة من قلبى
واصلى ركعتين فى اخر دقايق السنة احمد ربنا فيها
وادعى يحققلى كل اللى اتمناه فى 2008

الفــــرحة

عيش وقتك .. عيش ايامك

الدنيا براح قدامك

والضحكة تهون اى جراح

على ايه تنزل دمعاتك لو يوم عداك او فاتك

احلم بالجاى تعيش مرتاح

الدنيا لو جارحة لونها لون فرحة

ما هو ايه بيطول عمر الواحد غير

الفــــــــرحــة

لحظـــــات

فى لحظات خاطفة بعيدا عن الحياة المليئة بالحركات

فى لحظة سكون

وعندما ذهبت يداى دون ان اشعر الى تشغيل عمر خيرت

بينما كنت اقرا مجموعة من القصص القصيرة الرائعة

فى لحظات

ارتفعت عن كل هذا الكون وشعرت اننى فى كون اخر

ملئ بالحياة .. ولكنها حياة من نوع اخر

حياة مليئة بالانغام الهادئة والشخصيات المتناثرة حولك فى هدوء

حلقت وانا فى مكانى .. وانتابتنى حالة من الثورة والهدوء

سقطت على الافكار كالامطار الهادئة

الامطار الراقصة على نغمات كلمات الشخصيات فى هذه القصص الرائعة

ولكن فجاة وجدت يداى امتدت الى عيناى لتمسح دموعها

فايقظنى ان لا وجود لهذه الدموع

عندها فقط استيقظت لاجدنى مازلت فى مكانى

وانها مجرد

لحظـــات

الفراشات

يالها من مخلوق رقيق .. تسبح فى كل مكان .. تطير بلا حدود

دائما ما نرى هذا المخلوق رمزا للسعادة والحياة

لكن

أهذه الروح الرقيقة تشعر بالسعادة ايضا كما نراها

ام بداخلها شئ يحزنها يجعلها تتطاير فى الافق حتى تنسى احزانها وتبحث عن سعادتها المفقودة

تتناثر على الازهار لتستمد منها قوتها وتستعيد قدرتها على الحياة لتكمل رحلة البحث عن احلامها البعيدة

اهى تختبئ تحت الوانها الزاهية الجذابة حتى لا نرى ما بداخلها من حيرة وحنين الى الوصول لنهاية رحلتها

ام انها تستخدم الطيران كوسيلة لتشعر بالتعب, فينسيها تعبها ما تبحث عنه

.

.

ارجو ان تجدى يوما ما ما تبحثى عنه ايتها الفراشة وتقفى على الازهار لتتمتعى برحيقها العذب والوانها الجذاب وتمديها انت بالقوة والسعادة فهى تفتقد بسمتك وحديثها معك وتشتاق الى صوتك العذب الذى طالما تفتحت عليه اوراقها

انا شاب لكن عمري الف عام

وحيد ولكن بين ضلوعي زحام

خايف ولكن خوفي مني انا

اخرس وقلبي مليااااان كلام

عجبي

احنا بجد بننسى؟؟ ولا بيتهيأ لنا اننا نسينا؟

ولا بننسى لفترة من الوقت علشان احنا مش عاوزين نفتكر

اوقات بتحس انك نسيت او بيتهيأ لك ده بس ليه مجرد ما تيجى حاجة صغيرة قوى تحرك اللى جواك

بتفتكر تانى بسرعة كل اللى بتكون حاسس انك نسيته

ليه مش بنقدر ننسى الجرح والناس اللى بنقابلها ولا لما انسان عزيز عليك يموت ويسيبك

بنفضل نتعذب بيهم طول عمرنا وبيفضلوا جوانا دايما بس بيكونوا مستخبيين وبيطلعوا اول ما بيحسوا اننا صدقنا الوهم اللى اسمه النسيان

احنا مش بننسى احنا بس بنكون عاوزين نستخبى من احزاننا شوية وبنضحك على نفسنا وبنقول اننا نسينا

لحظة تأمل

لحظة تأمل .. اسم جميل بجد

مش انا اللى فكرت فى الاسم ده .. احد اصدقائى قال على الاسم ده عشان يكون اسم للصفحة وعجبنى الاسم فعلا

بس كان مجرد اسم حلو .. لكن لما فكرت فى الاسم لقيت انه انسب اسم فعلا

ما هى الحياة الا مجموعة من لحظات التأمل فى كل ما حولنا من بشر وافعال واقوال

فالتأمل هو اساس التفكير والابتكار ومعرفة الجديد

عندما تتأمل لحظات الغروب تدرك ان هناك شئ يتحرك بداخلك ويقول لك أن كل ما على الارض ذاهب لا محالة

ولكنه يعطينى ايضا قوة غريبة لا أعلم مصدرها.. قوة تجعلنى استطيع ان اواصل اكتشاف الطريق وتضئ ما انطفأ بداخلى من انوار

التأمل فى ابسط الاشياء يجعلك احيانا ترى ما حولك بصورة مختلفة تبعث بك الامل فى الحياة من جديد

انها دعوة للتأمل .. فاجعل حياتك لحظات تأمل لترى ما حولك بمنظور جديد

قد تهيم السفينة بلا دفة .. شريدة بين الجزر المحفوفة بالمخاطر

ولكنها لا تهوى الى القاع