..........

فقط اريد ان ارتدى الصمت كما يفعل معى ديسمبر الان

وانظر الى قطع السحاب الغارقة فى اللون الازرق

كانها جزر متفرقة يفصل بينها بحر تصل اعماقه الى المدى

وانظر بداخلى اجدنى لا اختلف كثيرا عن حال السحاب

يترامى ما بداخلى كانه اماكن متباعدة لا تمتلك القارب لتبحر وتتقارب

فقد اصبح المدى شاطئ احاول الوصول اليه



سأجلس على حافة الصمت

وامارس لعبة الانتظار التى لا اجيدها ولا اتقن قواعدها

احـلـــى الاوقــــــات

بغموضه وهدوءه المتناغم مع لحظات جنونه

قريب الى قلبى هذا الفيلم

ولكن تأتينى رغبة ملحة فى رؤيته فجأة

لا اعلم لماذا ولكن .. الان .. اريد ان اشاهده الان وبشدة

واستسلاما لهذه الرغبة الملحة .. بدات رحلة البحث لاجده واشاهده فى الثالثة فجرا

شعرت بهذه الابتسامة التى ارتسمت على وجهى والتى تنم عن بعض من الراحة

بالرغم من حيرة البطلة فى البحث عن اجابة سؤالها

وانجذابى للاحداث وحيرتى معها وكانى اشاهده لاول مرة

ولكن هناك شئ خفى يربطنى بغموض الفيلم والمشاعر المتداخلة به

لم احاول البحث بداخلى لمعرفة لما احتجت لمشاهدته الان

فقط اكتفيت بالاستماع الى منير بعد مشاهدته

مستغلة تلك الابتسامة التى مازالت تتواجد بهدوء

وتذكر احلى الاوقات بالنسبة لى

والبحث بداخل من حولى عن اول شئ يتذكروه عندما تتردد على مسامعهم كلمة

احـلـــى الاوقــــات

قـلــــوب

بحر الحياة مليان بغرقى الحياة

صرخت خش الموج فى حلقى ملاه

قارب نجاة .. صرخت قالوا مفيش

غير بس هو الحب قارب نجاة

وعجبى

----------------

ناس بسيطة بس قلوب مفيش زيها .. سيبتهم من فترة واتنقلت شغل جديد بس اثبتولى انى كنت صح وان فعلا العشرة الطيبة هى اللى بتدوم

اول ما اشتغلت معاهم كنت بدافع عن مبدأ مقتنعة بيه .. برغم ان اكتر من حد عارضنى فيه ..

كنت بعاملهم على انهم اخواتى مش بس فنيين ومهندسة

لما الاقى الناس ديه بتتصل بيا دلوقتى بعد ما مشيت وابقى متاكدة انه مش نفاق ولا هما محتاجينلى فى حاجة

غير انهم بيحبونى ولسه فاكرينى بحس انى اسعد انسانة فى الدنيا وانى اخترت صح

ايه كل الحب اللى فى صوتهم ده لما يقولوا وحشتينا

لسه بيعاتبونى انى مشيت ولسه بقولهم مش هلاقى زيكوا تانى

لسه بيحكولى مشاكلهم فى الشغل مع انى مش هقدر احلها

بس بيحكوا لانهم عارفين انى هحس بيهم وانى لسه اختهم

لسه بيفكرونى بمحطة الكهربا واعطالها وساعة الهزار على الغدا مع بعض

ولما كنت بزعق وبنتخانق ونرجع نتصالح تانى

احلى حاجة لما تحس بالحب ده كله من ناس يمكن اكترهم مكملش تعليمه يعنى بيتكلموا من قلوبهم وبيقولوا اللى حاسين بيه

وفعلا مش بيبقى غير الحب هو قارب النجاة

ازاى هغرق ولسه فى ناس حواليا بالطيبة ديه

______________________

مع ان فيهم انسان كان اكتر واحد اتعاملت معاه بالخير ووقفت جمبه وقت شدته

وكان يعز عليا انه يكون اخر انسان ازعله واختلف معاه قبل ما امشى

لانى كنت بمنعه من ظلم زمايله وظلم نفسه قبلها

ولانه مفهمش ونسى كل الخير واكتشفت ان الدنيا والمصالح بتقدر تغير الناس بسرعة

بس لسه مش قادرة ازعل منه ولا اقول غير ربنا يهديله نفسه

يمكن مكلمتوش تانى ومفتكرش هكلمه بس بدعيله بجد انه يقدر يكسب حب زمايله تانى

لانه هيخسر كتير من غيرهم

حـ نــ يــ ــن

تنتابك لحظات الصمت

تخترقك الافكار

تحاول الهروب من لحظة الحديث للنفس

ولكن يجبرك منير وفيروز على تواجدك معك

وتأتى ماجدة الرومى لتأسرك وهى تنادى .. إبحث عنى

----------------

محاولة للتفسير .. امتنع عن الكلام ولكن يطل من عينى الكثير من الكلام

تواصلت مع من لم اتحدث معهم منذ فترة

اكتشفت انهم دائما ما يسالون عنى فى محاولة للاطمئنان علي احوالى

ولكنى لم ابادلهم ذلك منذ فترة .. ولكنهم لم ينتبهوا الا لى وسؤالهم عنى

اخرج كثيرا هذه الايام وتنطلق الكثير من الابتسامات

ونتبادل الذكريات وتطل النظرة الشقية من عينى مرة اخرى

لتصحو الطفلة الساكنة بداخلى و تبدأ فى المرح ثانية

اشعر بعض الوقت بها ولا ادرى لما

ولكن تشرد عيناى بين الفينة والاخرى

لاجد هذه الوردة الملقاة بداخلى وعلى وريقاتها

بعض الدموع التى ترويها وتعطيها الحياة

لا اجيد فن الانتظار اذا اصابنى القلق على شخص لا استطيع الوصول اليه

تتسارع افكارى فى الشرود لتنسج ما يحدث او ما سوف يحدث

علها ترحمنى من انتظارى للمجهول

او تطير الى من انتظره لتستجديه بان يتذكرنى

فقد اشفقت علي حالى

هناك بداخلى يسكن بى اعتقاد

انى ساتجاوز كل شئ برغم صعوبته

وبداخلى من النور ما يضئ اى ظلام

وان هناك دائما الافضل

ولكن لماذا اضيق ذرعا بهذا الاعتقاد احيانا

واتمنى ان يظهر الوهن والاعياء علي

وان يتوقف مخى عن الدوران والتفكير

-------------

سـؤال .. ايها الحنيــن

لما تستعمرنى كلما احسست انى منفردة بحالى

استجداء .. ايها الشتاء فلتاتى مسرعا فانى انتظرك

وكانه عالم اخر ....

كل مرة لا يعرف مفتاحى غيرك

يتبدل الحال بعد اول ساعة من حديثنا

تشعر وكانك تتحدث الى نفسك برغم انك لا تقول الكثير

اشكرك على السعادة التى منحتينى اياها

----------------------------

فعلا الصداقة من النعم اللى ربنا بيوهبها للانسان

انا وهى اللى يشوفنا اول مرة يقول مختلفين

بس جوانا متفقين لدرجة ان كل واحدة فينا بتكمل احساس الاخرى من قبل ما تتكلم

بس اليوم ده ميتنسيش برغم بساطته

ترك جوايا احساس بالراحة غيير عادى

مش بعرف اتجنن واضحك كده غير واحنا سوا

امام النيل بحركات مياهه الساحرة التى اعشقها

وتحمل الكثير من اسرارى

و صوت منير وكانه يغنى لنا فقط

ننظر لبعضنا لنبتسم ونغنى معه

لما قلت انا زى منير ساعات احب حاجات ميحبهاش غيرى

كنت عارفة انى هسمع .. عيب عليكى اكيد انا كمان بحبها

بكتب وانا ماسكة الوردة اللى اشتريتيها عشانى

وشايفانا واحنا بنضحك من قلبنا

مش هقول كتير لان الكلام مش هيوصف سعادتى فى اليوم ده

بس عايزة اقولك ان انتى وردتى الحقيقية

استجواب

ماذا بك ايها السحاب .. لماذا تنظر لى هكذا ؟

لقد تعودنا ان نتكلم سويا

ولكنى لما لا افهمك الان

انتظر

اهذا هو قصدك

اهذا هو ما تعنيه نظرتك

احقا تقصد هذه النظرة الغاضبة المليئة بالاسئلة

اختيـــــار

تذوب ويذوب كل شئ حولك

لا تدرك اى شئ مما يحيط بك

لا تشعر لا تسمع ولا ترى

الا العالم الذى تريد ان تراه عندما تغمض عينيك

تعيش فيه .. تسكنه .. تتمناه

---------------------

تستفيق .. لتجد نفسك فى نفس مكانك

ويحكمك الكثير والكثير من القواعد والقوانين

والقيود المحيطة بك

--------------------

ترى ماذا سيحدث ؟

ايجب ان تستسلم لعالمك الجميل الذى يناديك وتلقى بكل القوانين

ولا تهتم بما قد يحدث بعد ذلك

ام ستظل فى العالم المحيط بك وتلتزم بالقواعد لعلك تجد يوما بينها ما تبحث عنه

قل لى ايها العقل ماذا ستفعل فلطالما ادعيت انك مفكر

ام انك اصبحت الان كالريشة المتطايرة فى الهواء

فقد حان الوقت لتختار

ايــــــه اللخبطة ديــه ؟؟؟؟

لما تحس انك فرحان قوى وبعدين زعلان قوى

وساعات الاتنين فى نفس الوقت

غريبة مش كده ؟؟؟

----------------------------

رحت شغلى الاول من يومين وكنت فرحانة قوى

لما تلاقى كل الناس فرحانين بيك جدا وشايف الفرحة بجد فى عنيهم

الناس كلها كانت بتقولى حمدلله على السلامة انك رجعتلنا

لما قلتلهم انى بس جاية ازورهم .. قالولى احنا عارفين بس خلينا نقولك كده

عشان نحسس نفسنا انك هتقعدى معانا كتير مش بس زيارة

قعدت فى كل الاماكن اللى كنت متعودة عليها .. محسيتش انى غيبت عن المكان كتير

كنت فرحانة بكل الحب اللى شفته

---------------------------

لما جيت اكتب عن فرحة جوايا واحساس بالسعادة

لقيت نفسى تهت لانى بقيت تانى يوم حاسة بكل الحزن اللى فى الدنيا

فقلت خلاص هكتب عن الحزن ده

تانى يوم بقى عندى احساس ان كل حاجة حلوة

ورجعت اقنعت نفسى تانى انى مبسوطة

قلت هكتب برده يمكن افهم

لقيتنى بسال نفسى هو انا حاسة بايه

معرفتش ارد ولا عرفت اكتب

---------------------------

شفت النهاردة طفلين صغيرين

بس الاتنين مع انهم مش بيعرفوا يتكلموا اصلا

كانوا بيبصولى كتير

حسيت وكأن فى عيونهم كلام عايزين يقولوهولى

لدرجة انى فضلت بصالهم يمكن يتكلموا

وبعدين قلت ايه ده دول مكملوش حتى سنة .. ازاى هيتكلموا

جنان ده ولا ايه

----------------------------

ليه لما حد قريب منك يجى يخيرك ما بين حاجتين

يقولك اختار براحتك انا مش هجبرك على حاجة

ولما تختار اللى مش عاجب الشخص ده

يقولك انت حر براحتك .. ده اختيارك

بس فى نفس الوقت يزعل اوى مع ان الناس القريبين منك

عارفين انك مش بتقدر على زعلهم ولا على دموع تشوفها جوا عينهم

فبتختار اللى يريحهم

هو كده مش بيجبروك برده .. طيب وكان ليه الاختيار من الاول

-----------------------------

كنت زعلانة جدا بس حتى دموعى منزلتش

مع انه من النادر ان عينى متدمعش بسرعة

بس الاغرب انى لقيت ابتسامة غريبة

بتنط من جوايا وبتقولى خلاص متزعليش

مفيش حل واضح بس مش هنزعل نفسنا

وكمان الابتسامة يمكن مش هتكبر وتبقى ضحكة

بس كل ما ازعل تنطلى وتقولى متنسينيش انا لسه جواكى

جت منين الابتسامة ديه؟

-----------------------------

كل يوم بشوف اكتر شكل بحبه فى الدنيا

شكل الغروب

الشمس عبارة عن قرص برتقالى اللون حواليها السحاب متجمع

فى اجمل لوحة على وجه الكون

كل يوم وانا راجعة من الشغل بشوفها وافضل بصالها

بحس بمنتهى الراحة اللى فى الدنيا وببتسم ابتسامة تانية خالص

مش بتترسم على وشى الا الوقت ده بس

محستش بكل ده الا النهاردة لما رجعت متاخرة وملحقتهاش

------------------------------

بقالى كتير بكتب

قلت ارجع اقرا اللى كتبته

حسيت باستغراب وسالت نفسى انا اللى كتبت كل ده

ومعرفتش اقول غير

اييييييــه اللخبطة ديه ؟؟؟

over the rainbow

Somewhere over the rainbow way up high

There's a land that I heard of Once in a lullaby

Somewhere, over the rainbow, skies are blue

And the dreams that you dare to dream

Really do come true

Someday I'll wish upon a star and wake up

where the clouds are far Behind me.

where troubles melt like lemon drops, Away above the chimney tops.

That's where you'll find me

Somewhere, over the rainbow, bluebirds fly

Birds fly over the rainbow,Why then can't I?

If happy little bluebirds fly beyond the rainbow

Whycan't I?

مش هتموت .. هتعيش

لا ادرى ان كانت لحظة شروق هى ام لحظة غروب

لا ادرى اكانت لحظة تامل ام لحظة واقعية

لا اتذكر كنت صباحا ام فى المساء

ولكن اتت على مسامعى كلمات وجيه عزيز لتنتشلنى من حالتى وتنقلنى الى حالتها

ان ما قدرتش تضحك

ما تدمعش ولا تبكيش

وان ما فضلش معاك غير قلبك

اوعى تخاف

مش هتموت .. هتعيش

وان سالوك الناس عن ضى

جوه عيونك ما بيلمعش .. ما تخبيش

قلهم العيب مش فيا

ده العيب فى الضى

وانا مش عاشق ضلمة ولا زعلت الضى

مسير الضى لوحده هيلمع

ومسير الضحك لوحده هيرجع

ما بيجرحش ولا ياذيش

وان ما قدرتش تضحك .. ما تدمعش ولا تبكيش

وان مفضلش معاك غير قلبك

اوعى تخاف مش هتموت

هتعيش

-------------------------

اول مرة اسمع الكلمات ديه وتأثر فيا كانت من احمد ذكى

بعدها عرفت انها غنوة لوجيه عزيز

ما الساعة الآن ؟

ما آسم المكان الذي نحن فيه ؟

وما الفرق بين سمائى وارضك ؟

قل لي ما قال آدم في سره

هل تحرر حين تذكر

قل أي شيء يغير لون السماء الرمادى

قل لي بعض الكلام البسيط

قل إن فى وسع شخصين مثلى ومثلك

أن يحملا كل هذا التشابه

بين الضباب وبين السراب

وأن يرجعا سالمين

سمائي رمادية

فبماذا تفكر حين تكون السماء رمادية ؟

..........

محمود درويش

لمحــــات

تطير .. تتحرك .. فتتوقف عندك

وكانها كالفراشة .. جميلة ولكنها بعيدة

تتبعها بعينك .. فتشير اليك انكم على ميعاد

تنتظرهـــــا .....

يداعبك صوت منير

الدنيا ريشة فى هوا

تغمض عينيك وتنتظر .. لتستفيق على كلماته

احنا النهاردة سوا وبكرة هنكون فين

فتبتسم وتمضى ولا تنتظر

بل تعرف انكم على لقاء دون انتظار ودون ميعاد

وتغمض عينيك مرة اخرى لتبتسم وتعاود الاستماع لمنير

ياللى بتسال عن الحياة خدها كده زى ما هيه

وجلست لتتــامل ...

نظرت الى نفسها فلم تجد الا عينين مليئتان بالدموع فلم تستطع التماسك

وتساءلت الا توجد نهاية لهذه الدموع؟؟

وقررت الا تنظر لنفسها مرة اخرى

.

.

فكرت فيما يحدث فوجدت قدرا يقف لها امام كل باب تفتحه يمنعها من الدخول

فقالت لماذا افتح ابوابا جديدة بعد كل هذا.. الا يكفينى ما اغلق من ابواب؟؟

.

.

نظرت الى حالها لتجد نفسها تدعى القوة لكى تريح اقرب الناس اليها وتجعلهم يطمئنون انها قادرة على تخطى المواقف الصعبة

ولكنها نظرت الى نفسها فوجدتها نفس حزينة لا تقوى على التحمل

فقررت ان تحبس الحزن بداخلها وان يرى الناس لمعان عينها على انه بريق الامل ولكنها تعرف جيدا انه بريق دموعها

.

.

تذكرت انها تبتسم عندما تستمع الى موسيقى تحبها او تقرا كلمات تؤثر بها

فسارعت اليهم فلم تستطع الابتسام واصبحوا يزيدوها حزنا

.

.

اعتقدت يوما ان الاحساس هو ما يجعل الانسان يعيش على وجه الارض

ورات ان من يعيش بلا قلب فهو ميت لا محالة

فقيل لها ستغيرك الدنيا دون ان تشعرى وتجدى نفسك تعيشين دون قلب

ووقتها لن تستطيعى ان تفعلى شئ حيال ذلك

وما حدث لها جعلها تعرف انها قد تكون هكذا يوما ما فقد اذتها الدنيا كثيرا

فاصبحت تعيش تشعر بالرعب من تموت يوما وهى ما زالت تتنفس

فقررت ان تحبس قلبها بقفص حديدى ولا تفتح له ابدا كى لا تفقده يوما

.

.

اتتها فرصة لتثبت لها ان ما تعتقده فى ان ما لها من تفكير مختلف ومنهج غير معتاد قد يكون صحيحا

فابحرت بداخلها وحاولت ان تتشبث بها .. فانكسر مركبها الصغير عند اول موجة

قد يكون ذلك بسببها لانها لم تجرب من قبل ان تبحر بهذا المركب الصغير

فقد كانت تمسك به على الشاطئ تنتظر الموجة لتحملها

وبعد انكسار مركبها .. اصبحت تعرف ان منهجها غير المعتاد لايقبل التطبيق فى الواقع

وعرفت انها لن تبنى مركبا جديدا ما دامت لن تبحر مرة اخرى

.

.

تجمد تفكيرها واصبحت لا تفكر حتى فى مستقبلها او بمعنى ادق فى حلمها الذى حاولت السعى اليه وتعثرت فيه

فهى الان تشك فى قدرتها على القيام بالاشياء والنجاح فيها

.

.

.

.

فى نهاية جلستها .. قامت وقد اغرقت الدموع وريقاتها الصغيرة

فتساءلت ابعد كل هذا يمكن ان تجلس لتتامل مرة اخرى؟؟؟

فوجدت الصمت هو اجابة سؤالها !!!

كلمات

مستنى ايه .. امـشـى

الحلم ما نفعشى

فوق من خيالك .. فــوق

انسى بقى وامشى

.

.

اقفـل على قلبك .. كفاية تجرحه

وتعلقه بحبال امانى تطوحه

من النهاردة الحلم مش هايفرحه

ارجوك ما تحلمشى .. ما تحلمشى

رســــــالة

ممكن تتلخبط عندك كل حاجة وفى نفس الوقت؟؟؟

ممكن الحاجة اللى المفروض تبسطك .. تزعلك؟؟

بس ممكن كمان تحس انك مبقتش لاقى حد تكلمه .. وتكون محتاج نصيحة او رسالة

بس الغريب بقى ان الرسالة ديه تجيلك

.
.
.. كان يوم صعب جدا مش عارفة اعمل ايه مخى توقف عن اى تفكير ومش عارفة اتصرف

وفجاة لقيت رسالة وصلت على تليفونى من رقم غريب بتقول

" الدعاء نجى يونس..واهلك قوم نوح..ورفع قدر سليمان..واظهر دين محمد... فلا تتردى"

وقتها احسست ان الله يبعث اليك برسالة حتى تعلم ان الله يشعر بك اصبحت افتحها كل خمسة دقائق وعندما اقراها ابتسم واشعر براحة غريبة حتى تخطيت الموقف

.
.
يوم اخر ... وموقف صعب اخر

الدنيا متلخبطة معايا جدا وكل الحاجات بتمشى معايا بالعكس لدرجة انى خلاص مش عاوزة افكر تانى

كان وقت صعب برده بس اكتر حاجة خلته اصعب لانى اول مرة يكون رد فعلى بقلة ذوق

واللى يعرفنى كويس .. يعرف انى مهما ادايقت مبكونش قليلة الذوق

بس انا شايفة انه كان رد فعل لانى كنت مصابة باحباط واستغراب

لانك لما تعتقد ان حد فاهمك وعارفك كويس وتكتشف ان كلامه بيدل انه ما يعرفكش خالص

ويجى هنا دور الرسالة

تتفاجا ان اول ما الموقف يخلص تلاقى رسالة على التليفون بس المرة ديه من صديقتى ومتعرفش عن اى حاجة بمر بيها .. كتبتلى فيها

" اللهم صلى على محمد وعلى ال محمد وصلى على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم فى العالمين انك حميد مجيد"

.
.
.
برغم انى مستغربة بس مبسوطة وجوايا شئ من الراحة

وبقول الحمد لله مفيش احسن من الدعاء والصلاة على الحبيب فى المواقف الصعبة

واحسن حاجة انك لو نسيت من كتر زعلك تيجى حاجة تفكرك انها مهما ضاقت رب الوجود موجود لا يغفل ولا ينام

::

::

الحمد لله

How Did i Fall in Love With You?

طريق طويل طالما سلكناه ومللنا منه ومن زحمة مروره ... انه طريق المحور

الطريق الذى كنا نسلكه الى العمل

كنا نلعب ونضحك وننام ونشعر بالملل ونحن فى اتوبيس العمل

.

ولكنك فجاة تحن الى هذا الطريق الطويل

لانك تستيقظ يوما لتعلم انك ستترك هذا الطريق باختيارك - ذهابا لعمل اخر -

دائما ارى انه عندما تترك مكانا لم تشعر يوما بان احلامك ستتحقق فيه .. شئ عادى

وان تجد مكانا افضل -من وجهة نظرك - وتذهب اليه .. شئ عادى

.

.

ولكن الغير عادى هو لحظة تركك المكان الاول

تكتشف فجاة انك ارتبطت باناس كثيرين ارتباطا غير عادى

دون ان ندرى جميعا وجدنا انفسنا اصدقاء .. ودون ان نشعر سرقنا الوقت

.

.

اعرف ان اول خطوة من احلامى اوشكت ان تتحقق بوجودى فى عملى الجديد وهذا العالم الجديد وانا سعيدة حقا به

ولكنى اشعر بالحنين لطريقنا الطويل الذى طالما مللنا منه

اتذكر الاراضى الخضراء على جانبى الطريق

وكنت ارة فى نخلها احلاما خضراء شامخة تنظر الى السماء تترقب موعد ان تتحقق

كنت دائما اقول حلمى فوق نخلة منهم .. وضعته فوقها لتساعده على التحقق او حتى النظر للسماء لينتظر دوره

.

.

احن الى وقت الصباح الذى كنا نجتمع فيه واطلقنا عليه الاذاعة المدرسية لكثرة وقوفنا معا لنحكى عن اى شئ وكل شئ

:

:

ولكننا اتفقنا جميعا ان نظل اصدقاء

:

سيظل هذا المكان اول عمل اشتغلت به ورايت فيه ما لم احب

ولكنى عرفت فيه اجمل الوجوه والابتسامات

ليس مجرد تساؤل

** انه فقط مجرد تساؤل**

حقا لم يكن مجرد تساؤل

فقد كانت كلمة يختفى وراءها معانى كثيرة واسئلة اكثر لم اجد لها اجابة

.

قد تختفى اوقات ما بعض الاشياء الحزينة بداخلك التى لا تجد ما يعبر عنها بالكلمات

قد يختفى بداخلك شعاع النور ويحاول البحث عن ملاذ له ولكنه لا يجده

فيخبو ضوءه ويستقر مكانه فاقدا للامل

.

.

تساؤل تختفى وراءه بعض الدموع التى تابى ان يراها احد

فتتحول الى تساؤل يسكن عينين حائرتين

ويصبح كل ما يتبقى لك الصمت والتساؤل

.

.

.

ايمكن ان تتحمل النفس كل ذلك دون ان تجد كلمة واحدة تكتبها؟

ولكنى كتبته تساؤل وليس مجرد جملة

للتاكيد على معرفة النفس بان دوام الحال من المحال

وقد يتبدل كل ذلك الى الافضل او الاسوا قبل ان تلحظ عقارب الساعة هذا التحول

ويظل فقط مجرد تساؤل

!!!!

تساؤل

الهذه الدرجة قد يفقد الكلام معناه
وقد يعجز القلب واللسان معا عن التعبير

ايمكن ان يجف كل ما بداخلك ولا تستطيع وصف ما بداخلك
ايمكن ان تنمحى كل المعانى فلا تجد ما يترجم هذا الاحساس الغريب

انه فقط مجرد تساؤل

امتحاناتى

اول ما دخل عليا شهر 4 قلت ايه اللى انا عملته فى نفسى ده

هو انا نا اكتفيتش بخمس سنين مذاكرة .. رحت كمان اكمل دراسات

ايه الحب الفظيع فى العلم ده

السؤال ده والعتاب ده مش بفتكره بصراحة الا لما بتقرب الامتحانات

وفعلا خلاص باقى ايام وامتحن

مع انى بجد بكون مستمتعة جدا طول ايام الدراسة والمحاضرات والورق

اول ما بدخل الكلية بحس بابتسامة كده غريبة على وشى

لانى لسه بدخل الكلية

بشوف مبانيها وشوارعها وبنظرلهم بحب كانى بقولهم يااه انا لسه بشوفكم حتى بعد ما اتخرجت

بحس انهم بيتكلموا وبيعرضوا صورى وانا لسه فى ايام الكلية

بس دلوقتى وانا خلاص على مسافة كام يوم من الامتحانات خايفة جدااا

مش عارفة ابطل عدم نوم وعدم اكل ورعب

بعد كل الامتحانات اللى دخلتها

لسه مش عارفة اتعود على خوف الامتحانات

يارب اكرمنى فى الايام الجاية

احتاج اليك

احتاج اليك الان وليس وقت اخر

احتاج اليك بجانبى وليس فقط بان تشعر بى

احتاج ان اتحدث معك وتساعدنى

لا اريد فقط مجرد الاحساس بان لازالت روحك حولى

:

احتاج اليك ابى
:

اريدك .. اريد ان اشكو اليك وان تضمنى

اريد ان تدعو لى .. تمسك بيدى لتطماننى

اعرف ان رسالتى لن تصل اليك

فكل واحد منا فى عالم اخر .. فانت فى دار الحق الان

اعلم انك تشعر بى.. ولكنى لا احتاج مجرد الشعور .. احتاجك انت

لا ادرى لما الان .. فبرغم فراقنا منذ سنوات عمرى الاولى وبرغم مرور كل هذه السنوات

فلا اعرف كيف اتحمل الان

اعرف انك منذ ان رحلت عن هذه الدنيا لم اقوى ولو حتى مرة واحدة ان اتحدث عن احساسى بفراقك

لم اتحدث عن ذلك حتى مع نفسى لانى لم اجد ما يساعدنى من كلمات لتعبر عن هذا الشعور

.

.

لكنى الان احتاجك حقا ولا ادرى ماذا افعل غير كتابة هذه الرسالة التى سيرتد صداها

لاستيقظ على هذا الواقع المرير واعرف انك لن تستطيع ان تكون بجانبى

وانها رسالة مجهولة الهوية بلا فائدة

.

.

.

اللهم انك استرددت وديعتك .. لا اعتراض على حكمك انا راضية به

اللهم لا ملجا منك الا اليك .. استغفرك واتوب اليك

يارب يارب ساعدنى قوينى واهدينى

بى اس: لقد كتبت هذ الرسالة بالامس ولم اكن اتوقع ان ياتينى الرد بهذه السرعة .. اشكرك ابى .. اللهم انك رحيم بعبادك

اسكن بيوت الفرح .. ااه ... ممكن؟

اتى عليا وقت وشعرت انه لا يوجد كلام بداخلى

اشعر باشياء كثيرة ولكنى لفترة اصبحت فاقدة القدرة عن الكلام او لا اشعر برغبة فى الكتابة

واستسلمت وانتظرت ان تاتينى رسالة تجعلنى اعود ثانية لاجد كلام اقوله

وكنت احدث نفسى هذا الصباح .. انظر الى السماء واقول مازلت انتظر رسالة او اشارة تكسر الصمت بداخلى

وبعدها بقليل تجسدت هذه الرسالة امامى فى امراة عجوز يظهر عليها الفقر وتحمل صندوق ثقيل

ولكن وجهها يرتسم عليه ابتسامة لا اراها الا نادرا

ابتسامة ليست فرحا ولكنها ابتسامة تعبر عن الرضا الشديد مهما كان الحال

تكاد ابتسامتها تنطق

لا ادرى لماذا اختارتنى من بين كل الموجودين بالسيارة

لتنظر لى وتبتسم وتقول لى

ربنا يرضيكى يا بنتى

احسست وقتها ان معنى وشكل ابتسامتها انتقل لوجهى

فاصبح وجهى يبتسم بنفس الرضا

وعلمت انها الرسالة التى كنت انتظرها

آسفــة .. ســامحينــــى

لاول مرة لم تمسك يدى بيداها

حاولت اطراف اصابعنا ان تتلامس كثيرا طوال الطريق

ولكن يدانا كانت تهرب كلما قاربتا على التلامس

.

.

لاول مرة تهرب اعيننا من ان تتلاقيا

كلما نظرنا لبعضنا نحاول ان نخفى دموعنا

فكلتانا تعرف اننا لا نحتاج ان نرى الدموع على الوجه لاننا نستطيع بسهولة ان نراها داخل النفس

.

.

لم اقف احاول اضحاكك كالعادة

لم تضغط يداى على يداكى

او اقوم بغمزك لاسكاتك عن الكلام مع من حولك لمعاكستك

.

.

اعرف انكى تشعرين بى جيدا

فانتى تعرفين ان الموقف يصعب احتماله علينا نحن الاثنان

فخطانا ثقلت بنا فى الطريق

ولكنى لم استطع التخفيف عنكى

.

.

.

اعرف انك تعتبرينى بالنسبة اليكى الام والصديقة معا

ولكنى لم استطع فى هذا الوقت ان اكون الا الابنة

اسفة امــى .. سامحينى

حديث مع نفسى

لقد سكت جهاز الكمبيوتر عن الكلام
لقد اصبح ساكنا وكانه جماد .. بل هو جماد اعرف ذلك ولكنه اصبح لفترة بالنسبة لى وكأن دبت فيه الروح ليتحدث يتحرك ويتنفس ليصبح جزء من حياتى ومن يومى

ولكنه فضل الصمت فى يوم ما وقد اختار هذا اليوم بعناية فقد اختاره وقت مرضى(كلمة مرض ديه صعبة شوية ربنا يعافينا والمسلمين)
لنقل انها فترة شعر الجسد فيها بالوهن لدرجة انه لم يستطع التحرك
وكأن الكمبيوتر اختار هذا التوقيت بالذات ليرفض التحدث مع احد غيرى .. او يشعرنى انه يعرف ما اصابنى

ولكن بعد مرور كام يوم من حالة الصمت التى اصابت الجهاز كانه عاد لشكله الاول -جماد لا يتحرك- وللمصادفة انى كنت ملازمة للفراش لم اذهب للعمل او الكلية فبدأت اشعر بالفراغ
وبدات ابحث عن ما كنت افعله قبل ذلك .. قبل ان ينشغل يومى بالعمل والكلية والمذاكرة والايميل


لجات الى خزانة ملابسى التى دائما اؤجل ترتيبها لوقت احتاج فيه لترتيب نفسى معها
وبالفعل بدات فى ترتيب الافكار بداخلى كلما تقدمت فى ترتيب الملابس
وسارعت الى الراديو لسماع الموسيقى الكلاسيكية التى طالما عشقتهاوطالما تجددت افكارى على نغماتها الهادئة وبالفعل لم اكن استمعت لها منذ وقت طويل

ادركت انى من فترة تلاحقت على الاشياء لدرجة انى لم اجلس كعادتى مع نفسى لاحلل كل ما مررت به من احداث
بالفعل قد انسرقت من نفسى بمشاغل اليوم والتفكير المتلاحق فى اكثر من شئ بنفس الوقت
جلست لاتحدث مع نفسى ونتصافى سويا

تذكرت الكلمات القاسية التى لا استطيع نسيانها بسهولة
وتذكرت الضحكات والابتسامات التى مرت كالنسمات

ادركت انى برغم خبرتى الصغيرة
قد تكون الاحداث التى مررت بها الفترة السابقة اكثر مما استطيع استيعابه
ولكنى لم اندم على لحظة منها بل اعرف ان كل شئ يحدث له حكمة من الله سبحانه وتعالى
ولكنى اعرف انى سريعة التاثر الى حد ما .. فقد تترك كلمة او رؤية وردة صباحا او طفل يبكى اثر بداخلى لمدة يوم او اكثر


فى نهاية حديثى مع نفسى احببت ان اوجه رسالة لاناس عرفونى وعرفتهم
لا ادرى كم من الوقت مر لمعرفتى بهم او معرفتهم بى
اعرف انه وقت ليس بطويل
ولكنى لم احسبها يوم بالوقت المتعارف عليه .. لم احسبها بالساعات والدقائق

ولكنى احسبها
بعدد الكلمات الصادقة التى تنطقها الشفاه
بعدد الابتسامات التى تظهر على الوجه بدون انذار
بعدد الدموع التى نزلت من العين على استحياء لانها قلما خرجت للنور الا لتدل على جرح تسلل لداخلى
.
.
.
احببت ان اقول
لكل من حسبته صديق وجرحنى بشدة ان الجرح قد شفى واصبح مما يطلق عليه تعاليم وخبرات الحياة
لكل من اقترب منى وكانت كلماته تستقر بنفسى حتى انى احببتها واصبحت لا اقوى على احتمال القاسى منها
لكل من اصبح صديقا كالوردة التى زرعت فى الطريق لتضفى جمالا اكثر على الحياة
لكل من قرات له كلمة جعلتنى اشعر بالسعادة وانى اعرفه منذ سنين
لكل من جعلنى اعرف اشياء جديدة عن نفسى واضاف فى تغيير فكرة بداخلى

لكل من اتذكره وانا اكتب كلماتى هذه ومن لم استطع تذكره الان

لن انساكم ما حييت

بعد صباح الخير

ياااه .. من حوالى شهر كانت الحاجات اللى بعملها بعد كلمة صباح الخير كتير اوى

وبجد وحشونى جدا وافتقدتهم بعد ما ميعاد الشغل بقى بدرى

كنت بصحى على صوت ماما وهى عارفة انى هفوق اول ما اسمع صوت الدكتور احمد عمر هاشم فى اذاعة القران الكريم وهو بيشرح حديث للرسول عليه الصلاة والسلام

وبعدها علطول خمس دقايق للشيخ الشعراوى

واول ما افوق لازم اسمع الصباح الجميل بتاع فيروز وياسلام لو لحقت اسمع حاجة لعمر خيرت

وكل ده بعمله وانا بجرى طبعا عشان الحق احضر حاجاتى

ومعنى انى سمعت فيروز وشغالة جرى فى الشقة..ده معناه انى خلاص صحيت

وانا لما اصحى بتبقى مشكلة افضل اعاكس فى ماما واصحى اخويا واعمل دوشة فى البيت لانى اكتر وقت بحبه فى اليوم هو الصبح

وطبعا بيبقى جنان يعنى

وبما انى متاخرة كالعادة وبنزل مع ماما فى نفس الميعاد _ايام ما كنا بننزل سوا_ قبل ما انزل لوحدى :(

كنت دايما احب اعاكسها واقولها انتى ماخرانى كده دايما .. شفتى انا شاطرة ازاى وبخلص حاجاتى بدرى

وطبعا كان لازم تعدينى الشارع كل يوم زى الاطفال وتبقى مصرة انها ما تمشيش الا لما اركب وتطمن عليا

ولازم اخدلى تريقة حلوة من سواق التاكسى اللى ماما لازم هى اللى توقفه الصبح

ويقولى هى دى مامتك ابقى خدى بالك من الطريق .. انتى عارفة الطريق كويس

وطبعا بفضل اضحك بعدها على رد فعل السواق وهو متنح لما يعرف انى رايحة الشغل مش المدرسة

...

ياسلام كان احلى صباح

لكن دلوقتى بقيت اصحى وكل اللى الحق اعمله انى اقول صباح الخير وانزل

...

شوية الحاجات اللى كانت بعد كلمة صباح الخير ديه هى اللى كانت بتحسسنى باليوم

مع انى مش هنكر ان اكتر ميزة فى النزول بدرى قوى كده انى بشوف الشمس وهى لسه بتفتح عنيها على الدنيا

اهم حاجة بقى انى صحيت بدرى او صحيت متاخر مش هبطل اقول صباح الخير وانا مبتسمة

شخابيط

اوقات بحس ان كل حاجة جوايا وحواليا عليها شخبطة
مكتوبة بطريقة مش واضحة
او بمعنى اصح اتكتبت واترتبت وبعدين اتشخبط عليها
ومش عارفة اقراها
بحاول اشبه عليها او اجتهد فى انى افهم معنى اللى مكتوب تحت الشخبطة


وممكن احاول اخمن شوية كلام شبه اللى مكتوب عشان اقنع نفسى انى فهمت .. لمجرد انى محتاجة قوى افهم اللى مكتوب جوايا
او احساسى بيطغى عليا وبحاول اترجم اللى تحت الشخبطة زى ما انا محتاجة اقراه

بس لما اقعد مع نفسى تانى
اكتشف انى ما فسرتش اللى تحت الشخابيط

وارجع واقول خلاص خلى كل حاجة زى ما هى متشخبط عليها
يمكن لو فهمت كل حاجة ما احسش انى مرتاحة


وارجع احاول تانى
مرة اسيب كل حاجة واعمل نفسى مش شايفة
ومرة احاول افهم
واول ما اقرب اوصل اخاف واهرب من جديد

واقول شخابيط

احلم ببكره

خايف من بكره ليه .. مين عارف بكره ايه

انا مش هبص ورايا ولا اقول اه

مهما الامل غاب العيون شايفاه

الياس مش هيوصلك ولو الهموم هتحصلك

مش راح تقف الحياة

ونخاف من بكره ليه .. مين عارف بكره ايه
.

.

.

سيب اللى يكره يكره وانت احلم ببكره

مع انه لسه ما جاش

مهما تحاصرك همومك ويلومك مين يلومك

لأ ما تعيشهاش بلاش

.

.

لسه القلوب بتشق براعمها

والفرحة بتلاعب نسايمها

مسالة مبدا-على الحجار

تحـــول

لقد ابتسمت لى .. وجعلتنى ابتسم

لقد احست بما كنت احتاج اليه

لقد فعلت الشئ الوحيد القادر على اخراجى من هذه الحالة

لقد جعلت وجهى يشرق وابتسامتى تعود وكأنه سحر اصابنى وغسل كل ما بداخلى من قلق وحيرة وتوتر

انا عارفة انى كنت مش على طبيعتى من فترة .. اوقات بيصيبنى الحزن دون ان اجد له سبب

ولا اعرف طريق العودة الى تفاؤلى المعتاد

والنهاردة بس اول ما نزلت الصبح وفى طريقى للشغل

حسيت بيها .. ايوه هى

قطرات هادئة من المطرة .. اول ما حسيت بيها وقفت عشان اتاكد انها هى

واول ما نقطة نزلت على ايدى حسيت انى لقيت الطريق للخروج من الدايرة المغلقة اللى كنت فيها

لقيتنى فجاة وقفت وفردت ايدى وبضحك وكأن كل اللى جوايا كان مستنى السما تحس بيه

والسحاب يقولى حاسس بيكى .. انتى مش لوحدك

مش عارفة ايه اللى حصل بس حسيت ان كل اللى جوايا اتبدل

وبرغم ان الطريق للشغل كان طويل ووالمرور واقف

بس انا ما حسيتش باى حاجة من كل ده لانى كنت مبتسمة وبنظر للسحاب طول الطريق

الحمد لله

كلمات

اتجرح الكلمة هكذا؟
ايمكن حقا ان تترك كل هذا الاثر فى النفس؟
انها الكلمات
لا استطيع الا اجعلها تؤثر فى نفسى
بعض الكلمات تجرح وتستقر فى النفس
ألهذه الدرجة لا يشعر قائلها بمدلولها

لا ادرى


ولكن كل ما اشعر به
ان الكلمات قادرة على ان تنيرنى او تجرحنى وتطفئ النور بداخلى

طائر تائه

طائر يعيش داخل القفص ويشعر بالحرية الموجودة بذاته..دائما ما يقول حريتى بداخلى لن تحجبها عنى القضبان فهى دائما معى فى كل حركاتى وسكناتى

دائما ما كان يشعر انه يعيش سعيدا ولكن بداخله شئ حزين لم يكتمل بعد .. شئ لا يدرى ما هو ولكنه يبحث عنه ويحتاجه

كان اوقات يحن للطيران ورفرفة جناحه الصغير ودائما ما يغمض عينيه ويحلق بعيدا عن القفص ليطير ويطير بعيدا عن هذه القضبان .. يتمنى اوقات ان يصبح حلمه حقيقة

فى وقت ما لا يستطيع تحديده .. وجد باب القفص مفتوحا

فرح ورفرف بجناحيه واستعد للطيران .. وبالفعل فقد اصبح يطير دون ان يغمض عينيه

خرج من القفص ولكن.... ؟

عندما لامس الهواء جناحيه وراى الاشجار عن قرب .. احس بما لم يشعر به من قبل

توقف وسكت عن الكلام

اصابه الخوف وقتلته الحيرة

لم يعرف اين هى سعادته وعن ماذا يبحث

انها الحيـــــرة

ايشعر بان ما ينقصه اكتمل ام انه لم يحن وقت سعادته بعد

وعاد ثانية للقفص ولكنه وقف عند باب القفص ولم يتمكن من الدخول مرة اخرىوايضا لم يستطع تحريك جناحيه ثانية ليطير

واكتشف انه لا يدرى بم يشعر وماذا يختار

ففضل الصمت ووقف على باب القفص حائرا

وظل سكوته هو كل ما تبقى لـه

غريبة..غريبة..غريبة ... ومش غريبة

انى اكون فى لحظة مخيفة

خبر تاه وسط الصحيفة

وفجاة اكون زى السطور

زى السطور المليانين

بحاجات كتير منورين

وانطفى فى الحال

.

.

.

من غير ســــــــؤال

الى متى.. ؟؟؟؟

؟