احنا بجد بننسى؟؟ ولا بيتهيأ لنا اننا نسينا؟ولا بننسى لفترة من الوقت علشان احنا مش عاوزين نفتكر
اوقات بتحس انك نسيت او بيتهيأ لك ده بس ليه مجرد ما تيجى حاجة صغيرة قوى تحرك اللى جواك
بتفتكر تانى بسرعة كل اللى بتكون حاسس انك نسيته
ليه مش بنقدر ننسى الجرح والناس اللى بنقابلها ولا لما انسان عزيز عليك يموت ويسيبك
بنفضل نتعذب بيهم طول عمرنا وبيفضلوا جوانا دايما بس بيكونوا مستخبيين وبيطلعوا اول ما بيحسوا اننا صدقنا الوهم اللى اسمه النسيان
احنا مش بننسى احنا بس بنكون عاوزين نستخبى من احزاننا شوية وبنضحك على نفسنا وبنقول اننا نسينا
2 comments:
لأ فيه حاجه اسمها نسيان بس مش سهل على الواحد انه ينسى لسبب بسيط و هو انه معنى احتياج الانسان للنسيان لا يدل على شىء غير ان الشىء المراد نسيانه مؤلم و عشان كده بياخد فتره للنسيان والفتره دى قبل ما تكون للنسيان فهى للمدواه من اثر الشىء المؤلم و بمجرد ما بنشفى بننسى
سلام عليكم
طبعا فيه حاجه اسمها نسيان بس النسيان بمعنى ان الحاجه بتتنقل من العقل الواعي لفولدر الزكريات و المده اللي بياخدها الجرح علشان يتنقل لفولدر الزكريات بتفرق حسب قوته و حسب اهمية المسبب فيه
في رايي انا كل الذكريات حلوة مهما كان الحدث نفسه قاسي في وقتها
من نعم ربنا علينا النسيان
سلام عليكم
Post a Comment