Tuesday, February 19, 2008

تحـــول



لقد ابتسمت لى .. وجعلتنى ابتسم

لقد احست بما كنت احتاج اليه

لقد فعلت الشئ الوحيد القادر على اخراجى من هذه الحالة

لقد جعلت وجهى يشرق وابتسامتى تعود وكأنه سحر اصابنى وغسل كل ما بداخلى من قلق وحيرة وتوتر

انا عارفة انى كنت مش على طبيعتى من فترة .. اوقات بيصيبنى الحزن دون ان اجد له سبب

ولا اعرف طريق العودة الى تفاؤلى المعتاد

والنهاردة بس اول ما نزلت الصبح وفى طريقى للشغل

حسيت بيها .. ايوه هى

قطرات هادئة من المطرة .. اول ما حسيت بيها وقفت عشان اتاكد انها هى

واول ما نقطة نزلت على ايدى حسيت انى لقيت الطريق للخروج من الدايرة المغلقة اللى كنت فيها

لقيتنى فجاة وقفت وفردت ايدى وبضحك وكأن كل اللى جوايا كان مستنى السما تحس بيه

والسحاب يقولى حاسس بيكى .. انتى مش لوحدك

مش عارفة ايه اللى حصل بس حسيت ان كل اللى جوايا اتبدل

وبرغم ان الطريق للشغل كان طويل ووالمرور واقف

بس انا ما حسيتش باى حاجة من كل ده لانى كنت مبتسمة وبنظر للسحاب طول الطريق

الحمد لله

4 comments:

osha said...

بلوج جامد موت ورقيق أوي وياريت تبقي صديقة للبلوج بتاعي أنا كمان المتواضع بجد إحساس رائع وحالة واقعية بتحصل لما بيكون حبيبك بعيد عنك ولما بيرجع تحسي الحياة رجعت والعصافير بتغني والدنيا ماليانة ورود
أشوفك عندي وهاكون فرحانة أوي

لحظة تأمل said...

متشكرة لزيارتك وكلامك الجميل
مدونتك رائعة وحساسة اوى

ويسعدنى اننا نكون اصدقاء

Anonymous said...

سلام عليكم
من احلى البلوجات اللي قريتها في حياتي
احساس رائع و رقيق قوي و بجد لما الواحد بيقراه بيحس انه مش على الارض و بيطلع لفوق بروحه و احساسه
ربنا يديم عليكي نعمة الاحساس العالي
بس المشكلة في الصيف مش هيبقى فيه مطر :)

Anonymous said...

滿..........................................................