اتجرح الكلمة هكذا؟
ايمكن حقا ان تترك كل هذا الاثر فى النفس؟
انها الكلمات
لا استطيع الا اجعلها تؤثر فى نفسى
بعض الكلمات تجرح وتستقر فى النفس
ألهذه الدرجة لا يشعر قائلها بمدلولها
لا ادرى
ولكن كل ما اشعر به
ان الكلمات قادرة على ان تنيرنى او تجرحنى وتطفئ النور بداخلى
4 comments:
مى يا حبيبتى ....بعض الكلمات نور و بعضها قبور
قيسى عليها كل كلمه و كل هفوه بتطلع من اللسان يعنى فيه كلمات بتأثر على الانسان بقلبه و فكره زى النور و بعض الكلمات بتأثر زى القبور من وحشه و خوف
انا عن نفسى ...نفسى اكتب ورقه و علقها على الملحفه (اللى عنده كلمه حلوه يقولها و اللى معندوش يصلى على النبى)بذمتك مش هكسب فى الناس دى ثواب من غير ما اتكلم؟؟؟؟!!!!و لا انتى رأيك ايه؟
هههههههه
رايى انها فكرة حلوة والله
وايه لو عملتيها عندنا فى الشغل بالذات هتكسبى ثواب كتيييييييييير قوى
عشان هتلاقى ناس كتير تصلى على النبى اكتر ما هيتكلموا
تحياتى يا قمر
سلام عليكم
الكلمة دي حاجه اكبر مما يتخيله الانسان ساعات و الرسول صلى الله عليه و سلم قال ايكب الناس على السنتهم في النار الا حصائد السنتهم
و سيدنا الامام الحسين رضي الله عنه و ارضاه قال خطبة كاملة في الكلمة لما طلب منه الوليد ابن مروان البيعة
الوليد .. نحن لانطلب إلا كلمة ..
فلتقل بايعت واذهب بسلام إلى جموع الفقراء
فلتقلها واذهب ياابن رسول الله حقنا للدماء
فلتقلها ما أيسرها إن هي إلا كلمة ..
الحسين: كبرت كلمة
وهل البيعة إلا كلمة
ومادين المرء سوى كلمة
وماشرف الله سوى كلمة
ابن مروان : بغلظه فقل الكلمة واذهب عنا ..
الحسين .. أتعرف مامعنى الكلمة
مفتاح الجنة في كلمة
دخول النار على كلمه
وقضاء الله هو كلمه
الكلمة لو تعرف حرمه زاد مزخور
الكلمة نور ..
وبعض الكلمات قبور
وبعض الكلمات قلاع شامخه يعتصم بها النبل البشري
الكلمة فرقان بين نبى وبغي
بالكلمة تنكشف الغمة
الكلمة نور
ودليل تتبعه الأمة .
عيسى ماكان سوى كلمة
أضاء الدنيا بالكلمات وعلمها للصيادين
فساروا يهدون العالم ..
الكلمة زلزلت الظالم
الكلمة حصن الحرية
إن الكلمة مسؤولية
إن الرجل هو كلمة
شرف الله هو الكلمة
سلام عليكم
آسف طبعا للتطويل في التعليقات لكن ده من جمال الموضوعات
بعد ما قولت تعليق في اهمية الكلمة فاضل اني اقول ان رايي ان الانسان مش اي كلمة جارحة تجرحه
الانسان المفروض يسامح اخواته المسلمين و المصريين
المفروض متجرحش الا الكلمة من الناس الغاليين علينا اللي بنحبهم و بنحترمهم لان مقدار جرحنا بكلمتهم من مقدار حبنا ليهم
لكن مش كل كلمة جارحة و قاسية من اي حد نسيبها تكسر جوانا حاجات
سيدنا علي رضي الله عنه بيقول ما حاورت عالما الا غلبته و ما حاورت جاهلا الا و غلبني
سوري على التطويل بس و الله جمال المواضيع بيخلي الواحد نفسه يتكلم و يتكلم و يقول رايه حتى لو كان غلط
سلام عليكم
Post a Comment