Tuesday, November 11, 2008

اختيـــــار


تذوب ويذوب كل شئ حولك

لا تدرك اى شئ مما يحيط بك

لا تشعر لا تسمع ولا ترى

الا العالم الذى تريد ان تراه عندما تغمض عينيك

تعيش فيه .. تسكنه .. تتمناه

---------------------

تستفيق .. لتجد نفسك فى نفس مكانك

ويحكمك الكثير والكثير من القواعد والقوانين

والقيود المحيطة بك

--------------------

ترى ماذا سيحدث ؟

ايجب ان تستسلم لعالمك الجميل الذى يناديك وتلقى بكل القوانين

ولا تهتم بما قد يحدث بعد ذلك

ام ستظل فى العالم المحيط بك وتلتزم بالقواعد لعلك تجد يوما بينها ما تبحث عنه



قل لى ايها العقل ماذا ستفعل فلطالما ادعيت انك مفكر

ام انك اصبحت الان كالريشة المتطايرة فى الهواء

فقد حان الوقت لتختار


17 comments:

أسير الجراح said...

كلمات جميلة جدا

بجد سعدت انى اكون اول تعليق


وسعيد انى اول واحد يشوف البوست الجميل دة




قل لى ايها العقل ماذا ستفعل فلطالما ادعيت انك مفكر


ام انك اصبحت الان كالريشة المتطايرة فى الهواء


فقد حان الوقت لتختار



كلمات مبدعة مهما كتب القلم

لم يعبر عن جمال كلماتك


كل الحب


اسير الجراح

Sweet Violet said...

أفعل أفضل ماتستطيع، ثم أفتح مظلتك القديمة وأمنع أمطار النقد من التسرب إلى ظهر رقبتك

عيشى عالمك انتى بقوانينه

عايش علي الهامش said...

مشكله نحياها جميعا او علي الاقل انا منهم دون تعميم
تحلم بعالم وتحيا غيره
وتأتي عليك لحظات تتسال هل انا خلقت اهذا العالم ام انني قد جئت في غير زماني
ولكنه اسفا سيبقي سؤال بلاجواب
اصنع عالمك وضع ما تري انه قانونك
فلم ياتي العظماء الا بعد ان غيروا عالمهم ووضعوا قوانينهم لهذا قالوا عنهم عظماء لانهم ابدعوا ولم يتبعوا القديم

شكرا لك

osha said...

تعرفي إني في موقف المبادئ ةالقوانين هي اللي بتحكمني فيه وبدأت أفكر هل لو اتخليت عن مبدأي في الحياة الصح اللي بتمشيها قوانين عصر وأحكام عيشنا عليها.... هافرح لو عملت كدة ولا ألاقي نفسي في دوامة تخليني في الاخر أندم.... رأيي استقر في النهاية إني لازم القوانين اللي اتربيت عليها هي اللي تمشي حتى ده لو على حساب سعادتي وفي الاخر أكيد ربنا هايكرمني بمبادئي دي لطريق صح يعيشني في سعادة ماكنتش بحلم بيها.... بجد العقل في الحالة دي هو أسلم طريق تمشي بيه وعليه .... ربنا يوفقك وتعرفي تستقري على قرار و رأي ماتندميش عليه بعد كدة

Anonymous said...

أختار أن أسقط في عالم من صنعي
قوانينه سنت من أجبي
فالأفضل ان أكون ريسشة تطير بالهواء
على أن اكون ريشة في قلم أحدهم
سملت يداك

romansy said...

تخيرى العقل يا عزيزتى
فانه لوحده ليس المسئول ولكن القلب والمشاعر والاحساس ايضا
فما نراه عندما نسرح بخيالنا قد يكون هو المنفذ الوحيد لاخراج طاقتنا فدعينا يا عزيزتى
نطوف فى عالم الخيال

سنووايت said...

ولم لا يكون الاختيار بين العالمين
لم لا تحاول نقل عالمها الي واقعها شيئا فشيئا حتي يكتمل بناؤه مع محاولة الالتزام بالقواعد والقوانين اذا لزم لامر

الازهرى said...

صديقتى الرقيقة

لو عشنا فقط فى عالم الخيال لما استطعنا ولهربنا الى عالم الواقع

فلذة عالم الخيال انه مهرب من كآبة الواقع وجموده ورتابته

ولكن ان يكون هو الخيال لا اظن

تحياتى دوما

حدوته مصريه said...

ياااااه
المشكله لما يكون العالم اللى تخيلته,,مقدرش اعيشه فى الواقع ولا اقرب منه..وده بيحصل كتير خاصة ان العادات والتقاليد وماشابه ذلك بتحكمنا
بس انا بعيش الاتنين
لانى مقدرش اسيب خيالى
ده هو الوسيله الوحيده اللى بعيش بيها كل حاجه حلوه ومستحيله

كـــيــــــــارا said...

روحي للعالم اللي تحسي فيه بالراحه والامان

لحظة تأمل said...

اسير الجراح

اشكرك على كلماتك وعلى زيارتك
دمت بخير
____________

العزيزة ضد التيار

كلمات غالية
وحقا فان عالمى الخاص له سحر خاص
نورتينى بالزيارة الغالية
______________

عايش على الهامش

حقا لم يصبح العظماء هكذا الا بعد ان غيروا العالم بنظرتهم

دمت بخير ونورتنى
_____________

osha

منورانى دايما بكلامك الجميل
هو المهم فعلا اننا نتمسك بميادئنا مهما حصل من تاثيرات حوالينا

نورتينى يا قمر

لحظة تأمل said...

شهر زاد

اتبسطت جدا لما لقيت تعليقك عندى
وحشتينى
عالمك هو سرك الخاص الذى تعيشى فيه لتكملى الواقع فى محاولة توصيله لعالمك الذى يحمل قوانينك ومبادئك

شرفتينى واسعدتينى بوجودك
_______________

romancy

دائما ما نستمتع بان نطوف فى عالم خيالنا
ولكن اذا كان يجب ان تختار بين ان تعيش فى عالمك الخيالى او بين واقعك بكل حدوده
فماذا ستختار .. فالاختيار ليس سهلا

اشكرك على وجودك
منورنى دايما يارب
______________

سنووايت

اتفق معاكى جدا فى الراى

شرفتينى واسعدنى وجودك فى مدونتى المتواضعة
ويارب يوفقك فى امتحاناتك
________________

الازهرى

العالم الذى تتمناه ليس مهرب من الواقع ولكنى اتفق معك انه ليس ما يجب ان تعيشه
ولكن ان يكون لك عالمك الخاص بقوانينك انت دون ان يتعارض مع مبادئك وتعاليم دينك
فما اجمله

سعيدة جدا بوجودك
______________

حدوتة مصرية

اكيد ممكن نحاول نقربهم لبعض
بس محتاجين شوية تعب

نورتينى
______________

كيارا الجميلة

كلمتين بس فى الجووون
:)

شرفنى وجودك الجميل

(صندوق الدنيا) said...

لا تتهم العقل
فهو ليس ريشة رغم أننا نتحكم فيه أحيانا ونحركه

أحلام اليقظة ليس لها زر لنضغط عليه ونوقفها
ولكننا ربما نستطيع أن نلون فيها قليلا ونسيطر على جوارحنا فتكون كما يرضي الله

لحظة تأمل said...

ام البنين

لا اتهم العقل ولكنى اناديه كى يتحرك

نورتينى

تــسنيـم said...

دع الأيــام تفعل ما تشــاء وطب نفسا إذا حكم القضاء


نسيت اقولك مفيش في الدنيا حاجة تستاهل


:)

meshmesha said...

جميله اوى يا مى
اذا كان بيدى الاختيار لكنت اخترت العالم الذى احس فيه بسلام و حب و راحه و تفاهم و صدق و وفاء و تقدير و ..... كل الصفات اللى نفسى فيها

عارفه يا ميوسه لما كنت بنام طول الطريق الصبح و احنا رايحين الشغل كنت ببقى فى العالم ده بس معايا ناس كتير ...دلوقت بلاقى نفسى لوحدى مش معايا غير اتنين او تلاته و عشان كده مبقتش اغمض عينى و لا انام فى الطريق عشان شوفت الواقع بعين يقظه

لحظة تأمل said...

تسنيم

تعرفى الكلمتين دول بالذات كنت محتاجة حد يقولهم ليا

بس ساعات فى حاجات كتير بتستاهل

محبتى
_____________

meshmesha

مشمشتى .. كلنا بنحلم بالعالم اللى فيه كل الصفات ديه

بس ليه مش بتنامى فى الطريق زى الاول
لازم تحلمى بالعالم بتاعك زى الاول
غمضى عينك وانسى الطريق وافتكرى لما كنا بنمسك ايدين بعض طول الطريق
هتلاقى العالم بتاعك مش فاضى .. لسه مليان لان اللى بيحبوكى هيفضلوا دايما حواليكى مهما بعدت المسافات

وحشتينى