اول ما دخل عليا شهر 4 قلت ايه اللى انا عملته فى نفسى دههو انا نا اكتفيتش بخمس سنين مذاكرة .. رحت كمان اكمل دراسات
ايه الحب الفظيع فى العلم ده
السؤال ده والعتاب ده مش بفتكره بصراحة الا لما بتقرب الامتحانات
وفعلا خلاص باقى ايام وامتحن
مع انى بجد بكون مستمتعة جدا طول ايام الدراسة والمحاضرات والورق
اول ما بدخل الكلية بحس بابتسامة كده غريبة على وشى
لانى لسه بدخل الكلية
بشوف مبانيها وشوارعها وبنظرلهم بحب كانى بقولهم يااه انا لسه بشوفكم حتى بعد ما اتخرجت
بحس انهم بيتكلموا وبيعرضوا صورى وانا لسه فى ايام الكلية
بس دلوقتى وانا خلاص على مسافة كام يوم من الامتحانات خايفة جدااا
مش عارفة ابطل عدم نوم وعدم اكل ورعب
بعد كل الامتحانات اللى دخلتها
لسه مش عارفة اتعود على خوف الامتحانات
يارب اكرمنى فى الايام الجاية
12 comments:
يارب تنجحى وباعلى تقدير
يارب
يارب تنجحى واطمنى الخوف ده شى اساسى للنجاح
عارفه لو اعصابك هاديه تقلقى
ربنا معاكى
ربنا يوفقك
شدة وهتزول ان شاء الله :)
تحيــاتى
حبى ايه الكلام ده ...لأ ازعل منك يا مى احنا جامدين و ما بنخفش و لا ايه؟
ربنا يكرمك يا رب و يوفقك و تنجحى و يكتبلك السعاده و التوفيق
ربنا معاكى يامى
بجد هتوحشينى اوى لغاية ما الامتحانات تخلص على خير ان شاء الله
السلام عليكم
ربنا يكرمك يارب
بس بجد انا لو منك عمرى عمرى ما اكمل دراسه...
ربنا يوفقك وتنجحى
اختك
حزينه
أمر بدار ليلي ...أقبل ذا الجدار وذا الجدار
وما حب الديار شغفن قلبي .... ولكن حب من شغل الديار
حبك لكليتك حب لسنين عمرك وحب لذكريات نفسك تعيديها نفسك تكوني تاني زي ما انتي وكأن مفيش حاجه اتغيرت فيكي
عموما جميل أن نعشق الاماكن
والاجمل أن نشعر بانتمائنا لها
وانتي اتهيألي عندك الشعولر ده
ربنا يوفقك
كلنا لها مش تقلقي ربنا مش بيضيع تعب حد
ومش عارفة اقولك اعملي كذا او كذا
لان انا برضو بمر بنفس الازمة في الامتحانات
فلو لقيتي حل عرفيني
w..a..l..e..e..d
اللهم امين
منورنى وربنا يكرمك
dally
يارب .. ربنا يخليكى
انا فعلا بقلق اكتر لو مقلقتش
miss.sosa
:)هى فعلا شدة
اسعدتنى زيارتك
meshmesha
جامدين يا صاحبتى متقلقيش
انت كمان وحشتييييينى قوووى
حزينة
وعليكم السلام
انا عارفة انى محنونة بس انا برغم كل ده مبسوطة
shirry
منورة وربنا معاكى
الحل بقى انك تسيبيها كده وهتعدى
ربنا ينجحنا كلنا يارب
ربنا يوفقك يامي
معلش للأسف احنا لما بنخلص المدرسة بنقول هنستريح
تيجي الكلية
نخلص هم الكلية
تبدأ الدراسات العليا والماجيستير
أنا قلتها مرة
مافيش ياجماعه أحسن من الطلوع على المعاش
ربنا يوفقك مرة تانية وابقي طمنينا عليكي :)
هاي ياجميله ربنا يكرمك يارب وتنجحي بس الواحد بيحس انه ماشي في طريق كله اشواك بس هو الطريق الصح علطول بيكون صعب موت
ايه قوليلي انتي عاملة ايه في الامتحانات ياقمر ربنا معاكي
امراة من زمن الحب
ايوه والله فكرة الطلوع على المعاش ده
بس فى الاخر بتفرحى لما بتتعبى وبتحسى ان للحياة معنى
osha
متشكرة لسؤالك يا قمر
وخلاص خلصت الامتحانات وعدت على خير الحمد لله
Post a Comment